БИШКЕК, 6-апр. — Sputnik. Ош шаарынын көрүстөн жайгашкан аймагындагы автоунаа жолу 3-апрелде чөгүп, айдоочулар менен жүргүнчүлөрдүн өмүрүнө коркунуч алып келгенин Өзгөчө кырдаалдар министрлигинин маалымат кызматы билдирди.
Маалыматка ылайык, жолдо пайда болгон чуңкурдун узуну 22 метр, туурасы 5 метр жана тереңдиги 4 метрге жетет.
Земляной провал на дороге в городе Ош
© Фото / пресс-служба МЧС КР
Жер кыртышынын чөгүп кетишине март айынын аягында жаан-чачындын көп жаашы жана эриген кар суулары агып кетүүчү арыктын жоктугу себеп болгон. Андан сырткары, унаа жолунун чыгыш тарабынан өткөн газ магистралынын бир мамысы да кулап түшкөн.
Ош шаарынын Жол башкармалыгына кооптуулук жараткан жолду жана газ мамысын калыбына келтирүү жана оңдоп-түзөө иштерин жүргүзүү милдеттендирилди.
