Жаздын келиши менен жаңы чыккан жашылчаларды жегибиз келип, аларды күнүмдүк тамагыбызга колдоно баштайбыз. Бактыга жараша, Кыргызстанда жашылчалар көп өсөт жана аларды базардан оңой эле тапса болот.
Учурда Бишкек шаарынын базарларында бадыраңдын эле жергиликтүү, Өзбекстандыкы жана Кытайдыкы болуп үч түрү сатылууда. Алардын баасы 80 сомдон 140 сомго чейин. Жергиликтүү бадыраң эң кымбат, анын бир килограммы 140 сомдон. Ал эми Өзбекстандыкы 60 сомго арзан. Кытайдан келген бадыраңдарды шаар базарларынан 100 сомдон таба аласыз.
Ал эми Нарын шаарында учурда Кытайдан келген бадыраңдар гана сатылууда. Анын баасы 140 сомдон турат. Ташкенттин бадыраңдары кымбат болгондуктан, Нарынга алынып деле келбейт.
