Дамира Ниязалиева Алыкул Осмоновдун "Ата Журтум" деп аталган ырын окуйт

Жазылуу
КР вице-премьер-министри, экс-депутат Дамира Ниязалиева Алыкул Осмоновдун чыгармачылыгына өзгөчө урмат менен мамиле кылат. Мектеп жашында эле акындын поэзиясына кызыгуусу ойгонуп, бир топ ырларын улам кайталап окучу экен.

Дамира Ниязалиева  акындын биздин долбоор  үчүн окуп Берген "Ата Журтум" деген ырын бала кезинде эле жаттап, алигиче  эсине тутуп жүрүптүр.

Алыкул акындын "Ата Журтум" деген ыры мекен темасындагы күчтүү чыккан жана нукура сезимдерин жөнөкөй тил менен, бирок таасирдүү бере алган ырларынын бири. Ырдын бир катар саптары эл ичинде канаттуу сөздөргө айланып, элдики катары да кабылданып кеткен. Бул — аталган чыгарманын окурмандар  арасында терең сиңип кеткендигин таасын көрсөтүп турат.

Sputnik Кыргызстан кыргыз поэзиясынын классиги Алыкул Осмоновдун жүз жылдыгына арналган видео долбоорду баштады. Алыкулдун аркасы менен кыргыздар дүйнөлүк адабияттын туу чокусун түзгөн Руставелинин "Жолборс терисин жамынган баатыры", Пушкиндин "Евгений Онегини", Шекспирдин "Отеллосу" менен таанышкан. Балдар Пушкиндин, Перронун жомокторун, Крыловдун тамсилдерин, Чуковский менен Маршактын ырларын эне тилинде окуй алышты.

Долбоордун техникалык өнөктөшү "Алиппе ТВ" ААКга ыраазычылык билдиребиз.

Жаңылыктар түрмөгү
0