Ош: Өзгөн районун аймагындагы жолго ири жер көчкү түштү

© Sputnik / Табылды КадырбековОш: Өзгөн районун аймагындагы жолго ири жер көчкү түштү
Ош: Өзгөн районун аймагындагы жолго ири жер көчкү түштү - Sputnik Кыргызстан
Жазылуу
Өзгөн районуна караштуу Туура-Булак аймагындагы жолго түшкөн ири көчкү жол мурдатан пайдаланылбай калгандан улам кырсык алып келген жок.

БИШКЕК, 3-апр. — Sputnik. Өзгөн районун аймагындагы Туура-Булак участкасында Куршаб – Жалпак-Таш жолуна 70000м³ жер көчкү түшүп, Шор-Суу дарыясынын нугун тосуп калган. Бул туурасында ӨКМдин маалымат кызматы кабарлады.

Жер көчкү баткак түрүндө болгондуктан, суу учурда өзүнүн нугунда агып жатат. Жол пайдаланылбай калгандыктан, түшкөн көчкү адам өмүрүнө зыян келтирген эмес. 

Жаздын келиши менен, жер кыртышы жибип, коопчулуктар жарала баштайт. КР ӨКМдин Ош облустук башкармалыгынын жетекчиси Дайырбек Каримов облустун башка аймактарында да жер көчкү жүрүү коркунучу бар участкаларга изилдөөлөр жүргүзүлүп жаткандыгын кабарлады. 

Ош облусунда жер көчкү жүрүшү мүмкүн делген 387 аймак аныкталган. Алай районунда 82, Кара-Кулжа районунда 73, Өзгөн районунда 162, Ноокат районунда 21, Кара-Суу районунда 40, Араван районунда 6 жана Чоң-Алай районунун аймагында 3 жер көчкү коркунучундагы кооптуу участоктор жайгашкан. 

КР Транспорт жана коммуникациялар министрлигинин маалыматтарына ылайык, облустун аймагындагы автоунаа жолдорунда жер көчкү түшүү коопчулугу жаралган 39 жана таш кулоо коркунучу бар 31 жер каттоодо турат.

Жаңылыктар түрмөгү
0