Караколдогу ипподромго Спорт боюнча мамлекеттик агенттик жооптуу болот

© Sputnik / Табылды КадырбековНооруз майрамына карата уюштурулган көк бөрү оюнунун финалы. Архив
Нооруз майрамына карата уюштурулган көк бөрү оюнунун финалы. Архив - Sputnik Кыргызстан
Жазылуу
Спорт боюнча мамлекеттик агенттик Ысык-Көлдө улуттук ат оюндары боюнча күчтүү спортчуларды өнүктүрүүгө ниеттенүүдө.

БИШКЕК, 3-апр — Sputnik. Премьер-министр Жоомарт Оторбаев Караколдогу ипподромду Дене тарбия жана спорт боюнча мамлекеттик агенттиктин балансына өткөрүп берүү боюнча токтомго кол койду. Бул туурасында өкмөттүн маалымат кызматы билдирет. 

Буга чейин аталган ипподром Айыл чарба жана мелиорация министрлигине карап келген.

"Ипподромду Спорт боюнча мамлекеттик агенттиктин балансына өткөрүп берүү ат спорту боюнча чеберлерди даярдоонун сапатын жакшыртат. Аны менен катар эле калкты дене тарбия, спорт менен алектенүүгө тартат", — деп айтылган маалыматта.

2008-жылы Караколдогу ат майданы 10 миллион сомго бааланып, сатылып кеткен, бирок сот териштирүүлөрөнүн жыйынтыгында кайра Айыл чарба жана мелиорация министрлигине кайтарып берилген. Ипподромдун жалпы аянты 44,76 гектар.

Жаңылыктар түрмөгү
0