БИШКЕК, 1-апр. — Sputnik. Санкт-Петербург шаарында жашаган кыргызстандыктардын 338и биометрикалык маалыматтарын бергенин Кыргызстандын Россиядагы элчилиги билдирди.
Санкт-Петербург шаарында 23-марттан 30-мартка чейинки аралыкта дем алыш күндөргө карабай биометрикалык маалыматтарды чогултуу жүрдү. Ошондой эле кыргызстандыктар көп иштеген курулуш обьектери жана алар көп жашаган аймактар да кыдырылып, жарандардын биометрикалык маалыматтары жыйналды.
Өкмөт быйыл күзүндө боло турган парламенттик шайлоону таза өткөрүү үчүн, жарандардын биометрикалык маалыматтарын чогултуу кампаниясын баштаган.
