Атасынын таасиринен улам, Тагжана азыр Алыкулдун ырларынын күйөрманы. Бул сапар "Булбулдун биринчи үнү" чыгармасын окуду.
Алыкул Осмонов "Булбулдун биринчи үнү" ырында тирүүлүктүн символу болгон жаркын жашоону, таңкы булбулдун үнүн, табиятты өзгөчө бир канааттануу менен, назик сезим менен сүрөттөп берет.
Sputnik Кыргызстан кыргыз поэзиясынын классиги Алыкул Осмоновдун жүз жылдыгына арналган видео долбоорду баштады. Алыкулдун аркасы менен кыргыздар дүйнөлүк адабияттын туу чокусун түзгөн Руставелинин "Жолборс терисин жамынган баатыры", Пушкиндин "Евгений Онегини", Шекспирдин "Отеллосу" менен таанышкан. Балдар Пушкиндин, Перронун жомокторун, Крыловдун тамсилдерин, Чуковский менен Маршактын ырларын эне тилинде окуй алышты.
Долбоордун техникалык өнөктөшү "Алиппе ТВ" ААКга ыраазычылык билдиребиз.
