БИШКЕК, 1-апр. — Sputnik. Тийиштүү документтери жок эки тонна бадыраңды Кыргызстандын аймагына алып өтүүгө аракет кылган жаран Баткен облусунан кармалды. Бул тууралуу Мамлекеттик чек ара кызматынын ЖМК жана коомчулук менен байланыш бөлүмү билдирди.
Маалыматка ылайык, КР жараны Hyundai Porter автомашинасы аркылуу Өзбекстандан Баткендин Күнгөйташ аймагы аркылуу бадыраңдарды алып өтүүгө аракет кылган.
Аткезчилик жол менен ташылып келе жаткан жүктүн баасы 300 миң сом деп бааланууда.
