БИШКЕК, 1-апр. — Sputnik. Улуу Ата мекендик согушка катышып, каза болгон 14 кыргызстандык жоокер көмүлгөн жер табылды. Алар буга чейин белгисиз болуп келгенин "Замандаш" ассоциациясынын маалымат кызматы билдирди.
30 Жалган Куран 2015, 17:19
Согуш маалында белгисиз жоголгон жоокерлерди издөө иштери көпчүлүк мамлекеттерде ассоциациясынын жана кыргыз диаспораларынын кызматкерлери аркылуу изделип жатканын ассоциациянын координатору Азамат Айтбаев кошумчалады.
Издөө иш-чаралары "Жеңиштин ысымдары" акциясынын алкагында 6-мартта башталган болчу.
Айтбаевдин айтымында, Белоруссиянын Минск шаарына жакын жердеги Мильцовка айылында Таластын тургуну Сергей Прокофьевич Ковалдын сөөгү табылган. Андан сырткары Смоленск, Тверь, Тамбов, Новгород аймактарында издөө иштери жүрүүдө.
Издөө аракеттеринин жыйынтыгында табылган кыргызстандыктардын тизмеси:
- Тажыбек Шаменов, 1906-жылы туулган, Нарын району.
- Матай Табалдиев, 1912-жылы туулган, Түп району, Ысык-Көл облусу.
- Эсенбай Медетов, 1905-жылы туулган, Киров району, Фрунзе облусу.
- Иван Васильевич Артюшков, 1901-жылы туулган, Талас району.
- Сопугул Жапаров, Талас району.
- Осмон Абдрахманов, Талас району.
- Сергей Прокофьевич Коваль, 1903-жылы туулган, Талас району.
- Маматжан Абдраимов, Талас району.
- Карим Касымов, 1919-жылы туулган, Талас району.
- Габдылда Абдраимов, катардагы жоокер, 1910- жылы туулган, Баткен району.
- Каян Абдулаев, 1924-жылы туулган, Нарын району.
- Асман Абдукаликов, 1923-жылы туулган, Нарын шаары.
- Муркул Абдуачаев, 1903-жылы туулган, Нарын району.
- Мурсакул Абдулаев, 1923-жылы туулган, Ак-Талаа району, Нарын облусу.
