125 кг героин менен чет элдик жарандар кармалды

© Sputnik / Руслан Кривобок / Медиабанкка өтүүБаңги зат. Архив
Баңги зат. Архив - Sputnik Кыргызстан
Жазылуу
Атайын кызматтардын берген маалыматы боюнча, 125 килограмм героин менен кармалган кылмыштуу топ көп убакыттан бери баңгизатты бир канча мамлекеттер аркылуу Түркия – Бельгия маршруту аркылуу ташып келишкен.

БИШКЕК, 31-мар. — Sputnik. 125 килограмм героин менен 3 чет элдик жаран кармалганын Улуттук коопсуздук боюнча мамлекеттик комитетинин (УКМК) коомчулук жана ЖМК менен байланыш бөлүмү билдирди.

Маалыматка ылайык, 2015-жылдын 28-мартында УКМК чет элдин жарандарынан турган трансулуттук кылмыштуу топту кармады. Аталган кылмыштуу топ Түркия — Иран — Түркмөнстан — Тажикстан — Кыргызстан — Казакстан — Россия — Бельгия маршруту аркылуу аткезчилик жол менен ири көлөмдө баңгизаттарын ташып жүргөн. 

УКМКнын кызматкерлери автомашинанын чиркегичин текшерүү учурунда анын таманына катылган баңгизаттарды тапкан. Ар бири 500-550 грамм болгон брикеттер табылган. Анын жалпы салмагы 125 килограммды түзгөн.

Аталган факты боюнча УКМКнын тергөө башкармалыгы кылмыш ишин козгоду. Кармалган чет элдик жарандар УКМКнын убактылуу кармоочу жайына камакка алынды.

Учурда атайын кызматтар кармалгандардын жан-жөкөрлөрүн жана башка тиешеси барларды издөөнү улантып жатат.

Жаңылыктар түрмөгү
0