БИШКЕК, 28-мар. — Sputnik. Президент Алмазбек Атамбаев менен Европа кеңешинин төрагасы Дональд Туск жолугушуу учурунда КР жана Борбор Азия регионунда коомдук-саясый кырдаалдын өнүгүүсүнө, анын ичинде диний чөйрөгө көңүл бурушту.
Алмазбек Атамбаев 2015-жылдын 27-мартында Европа кеңешинин төрагасы Дональд Туск менен Бельгия Королдугуна жана Европа биримдигинин институттарына жасаган иш сапарынын алкагында жолукту.
Президент Атамбаев менен Европа кеңешинин төрагасы Туск Кыргызстанда жана Борбор Азия регионунда коомдук-саясый кырдаалдын өнүгүүсүнө, анын ичинде диний чөйрөгө көңүл бурушту.
Алар парламенттик демократияны түзүүдө жана коррупцияга каршы күрөштө Кыргызстан натыйжалуу саясат жүргүзүп жаткандыгы боюнча бирдей пикир билдиришти.
Жолугушууда Кыргызстанда алдыдагы парламенттик жана президенттик шайлоолорду таза жана ачык-айкын уюштуруу жана өткөрүү маселелери талкууланды.
