БИШКЕК, 25 мар — Sputnik. Москванын алдындагы бирдиктүү миграциялык борбор эми иш убактысынан тышкары да иштейт деп билдирет РИА Новости.
Миграциялык борбордун иш күнүн узартуу себеби Россияда расмий иштөөгө уруксат берүүчү документтерди толтуруп жаткан чет элдик жарандардын көбөйүшүнө байланышкан.
2015-жылдан тартып Россиянын визасыз мамилелери бар өлкөлөрдөн жумушчуларга карата РФте квоталар жоюлган болчу. Чет элдик жумушчулар ишке орношуу үчүн жеке адамдардан же юридикалык тараптардан патент алуулары керек.
Чет элдик жаран патент алыш үчүн орус тилин, Россиянын тарыхын жана мыйзамдарын билүү боюнча сынактан өтүшү талап кылынат.
Четтен келгендер Красногорск миграциялык борборуна "Митино" метросунан жөнөй турган кошумча автобустар менен жете алат.
Жылдын башынан бери эле Россияда иштөөгө документтерди толтурууга 200 миңге жакын чет элдик жаран кайрылган.
