Президент тарыхый, маданий мурастарды коргогон мыйзамга кол койду

© Фото / cercamonПанорама города Ош
Панорама города Ош - Sputnik Кыргызстан
Жазылуу
Президент археологиянын эстеликтеринин коргоо чөлкөмдөрүнүн чектеринде атайын техникалык каражаттарды уруксатсыз пайдаланууга тыюу салган мыйзамга кол койду.

БИШКЕК, 25-мар, — Sputnik. Президент Алмазбек Атамбаев "Тарыхый-маданий мурастарды коргоо жана пайдалануу жөнүндө" мыйзамына өзгөртүүлөрдү киргизүү тууралуу мыйзамга кол койду. Бул туурасында президенттин маалымат кызматынан билдирди.

Мыйзам Жогорку Кеңеши тарабынан 2015-жылдын 19-февралында кабыл алынган.

Мыйзамдын максаты — тарыхый-маданий мурастардын объектилерин сактоо жана пайдалануу.

Аталган максаттарда "Тарыхый-маданий мурастарды коргоо жана пайдалануу жөнүндө" КР мыйзамынын 30-беренесинде эстеликтерди коргоо чөлкөмдөрүнүн чектеринде жер иштетүү, курулуш жана чарба иштерин жүргүзүү такталат.

Мыйзамдын 33-беренесинде археологиянын эстеликтеринин коргоо чөлкөмдөрүнүн чектеринде атайын техникалык каражаттар (металл издөөчүлөрдү, металл детекторлорду, радарларды жана башка жабдуулар) уруксатсыз (ачык бараксыз) пайдаланууга тыюу салынат.

Мыйзам расмий жарыяланган күндөн тартып 10 күн өткөндөн кийин күчүнө кирет.

Жаңылыктар түрмөгү
0