Мамлекет башчысы Атамбаев балдардын билимине өзгөчө көңүл бөлүү керектигине токтолду.
"Билимге мектептен тартып умтулуп, чет тилдерин үйрөнүү керек. Талыкпай, туруктуулук менен окуганда гана ийгиликке жетсе болот", — деди президент Алмазбек Атамбаев.
Президент №82 орто мектептин директору Атыркүл Конушбаевага интерактивдүү такта жана спорт шаймандарын сатып алууга сертификат тапшырды.
Аземдин соңунда Алмазбек Атамбаев "Ала-Тоо" конушунун тургундары менен маектешип, ой-пикирлерин, өтүнүчтөрүн угуп, кызыккан суроолоруна жооп берди.
