БИШКЕК, 20-мар — Sputnik. Россия Федерациясынын башчысы Владимир Путин 20-март күнү Казакстандын президенти Нурсултан Назарбаев менен Астанада жолугушуу учурунда бүтүндөй дүйнөнүн экономикасындагы татаал кырдаалдан чыгып кете алат деди деп билдирет РИА Новости.
Россия лидери азыр кыйынчылыктарга каршы күрөштө мурдагы СССРдин аймагында түзүлгөн экономикалык негиздер жардам берет деген ишеничте.
"Дүйнөлүк экономикада, өзүңүз айткандай, абал азыр оор. Бирок мурдагы Советтер Союзунун аймагында экономикалык жана социалдык тармактын жашоосуна сиздердин катышууңарда түптөлгөн негиздер кыйынчылыктарды жеңүүгө көмөк болот деп ишеничтүү айта алам", — деди Путин.
РФтин президенти "мурдагыдай эле биргелешкен күч-аракеттердин аркасында гана кыйынчылыктарды жеңебиз" деп баса белгиледи.
Андан тышканы, Россиянын башчысы жолугушууну уюштургандык үчүн Назарбаевге ыраазычылык билдирип, ага алдыдагы президенттик шайлоодо ийгиликтерди каалады.
Жума күнү Казак Респубилкасынын борборунда ЕАЭБга мүчө Россия, Казакстан жана Беларусь өлкөлөрүнүн жолугушуулары өттү. Тараптар соода-экономикалык кызматташтык, ЕАЭБга интеграция, долбоорлорду дүйнөлүк экономикалык абалды эске алуу менен ишке ашыруу маселелерин талкуулоону пландашкан. Ошондой эле үч мамлекеттин башчылары украин каатчылыгын да карашмакчы.
