Өкмөттүн маалымат кызматы маалымдагандай, премьер-министр Панфилов районун Чалдыбар айыл аймагында жайгашкан суу менен үзгүлтүксүз камсыз кылуу боюнча жайдын иши менен таанышып жатып, дайкандарга берилчү насыя маселесине токтолду.
Анын айтымында, быйыл айыл чарба жаатында иштегендерге берилчү насыя системасы өзгөрөт. Ага лайык, насыя алам деген ар бир дыйкан бизнес-планын түзүшү керек.
Оторбаев быйыл лизингге 900 даана трактор алуу пландалып жатканын кошумчалады.
Үстүбүздөгү жылы өкмөт асыл тукум мал чарбасын өнүктүрүүгө жана айыл чарба продукцияларын кайра иштетүү тармагына 5 миллиард сом бөлөт. 2014-жылга салыштырмалуу дыйкандарга жеңилдетилген насыя берүү миллиард сомго көбөйгөн.
Депутаттар бейшемби күнү, 9-мартта ЖКнын пленардык жыйынында өкмөт тарабынан дыйкандарга жеңилдетилген кредит берүү чийки иштелип калгандыктан, көйгөй жаралып жаткандыгын өкмөткө эскерткен.
