12-февралдан 16-мартка чейин Бишкек ИИББдин жол кайгуул кызматы жолдогу коопсуздук боюнча бир айлык өткөргөн.
Бир ай ичинде жолдо жүрүү эрежесинин бузулушу боюнча 17 миллион сомдун тегерегинде 21 миңге жакын протокол түзүлгөн. Айып төлөөчү жайга 1078 автоунаа токтотулган.
Кичиавтобустардын айдоочуларына карата 30 800 сомдук административдик айып салынган.
Бишкек мэриясынын маалымат кызматы Sputnik сайтынын кабарчысына жол эрежелеринин бузулушу боюнча статистиканы берди. Ага ылайык, автомашинанын техникалык абалы боюнча жүздөй протокол түзүлгөн. Каттоосу жок машина айдоо – 612, өз алдынча мамлекеттик номерди тагып алып айдоо – 87, жасалма мамлекеттик номер менен жүрүү боюнча 22 протокол түзүлгөн.
Терезесин караңгылаткан, коопсуздук курун тагынбаган, мас абалында автомашина айдап жүргөндөр кармалган. Ал эми 90 киши айдоочулук күбөлүгү жок автоунаа башкарып жүргөн.
