БИШКЕК, 18-мар — Sputnik. Кыргызстандын мурдагы президенти Аскар Акаевдин өлкөгө кайтып келүүсүнө эч ким тыюу салбайт, тескерисинче, ал бир катар кылмыш иштерин ачууга жардам берет деп билдирди Sputnik кабарчысына президенттин кеңешчиси Фарид Ниязов.
Мурдараак Sputnik кабарчысына берген маегинде Кыргызстандын биринчи президенти Аскар Акаев "өз өлкөмө кайтып келип, сөөгүм мекениме коюлса" деген тилегин билдирген эле. Анын айтымында, республикага кирүүгө азыркы бийлик ага бөгөт коюп жатат.
Ниязов бул сөздөрдү четке кагып, "тескерисинча, Акаевди бул жерде Бакиевди күткөндөй эле күтүп жатышат" деди.
"Бири кылмыш иштери боюнча түшүндүрмө берип, ал эми экинчиси болсо кылмыш жазасын өтөшү керек. Бийликтин экөөнө тең мамилесинде мен эч маселени көрбөй элемин. Бирок алар өзүлөрү эл алдында күнөөсүн моюнга алууга канчалык даяр болду экен?" — дейт мамлекет башчысынын кеңешчиси.
