БИШКЕК, 18-мар — Sputnik. Москвага иш сапары менен келип кеткен Италия, Греция менен Кипр, ошондой эле Испания, Австрия, Венгрия жана Словакия өлкөлөрүнүн лидерлери Россияга каршы жаңы санкцияларды колдобойт болушу керек деп билдирет Блумберг агенттиги. Бул тууралуу РИА Новости кабарлайт.
Москвага мурдараак Кипрдин президенти Никос Анастасиадис (февралдын аягында), Италиянын премьер-министри Маттео Ренци (марттын башында) келип кетишкен. Ал эми апрелдин алгачкы күндөрү Россияга Грециянын премьери Алексис Ципрас келиши керек. Аталган үч өлкө, ошондой эле Венгрия, Словакия, Австрия жана Испания мурда Россияга карата "украин" санкцияларына каршы чыгышкан.
"Санкцияларга каршы чыгып жаткан өлкөлөрдүн тобу бейшемби күнү Брюсселде баштала турган ЕБнын эки күндүк саммитинде Москвага карата жаңы чектөө чараларына каршы пикирлерин айтуу менен "өз көз караштарын билдиргени" жатат деп кабарлайт агенттик.
"Аталган өлкөлөр азыр санкцияларды узартууга макул болбой жана маселенин чечилишин санкцияла бүткөнчө акырына чейин создуктурат. Окуянын өрчүшү, кыязы, ушундай болот", — деди агенттикке Лондондогу Европалык реформа борборунун тышкы саясат боюнча директору Иан Бонд.
"Санкцияга каршы чыгып жаткан өлкөлөрдүн өзүнө ишенүүчүлүгү өсүп бараткандай", — деди Блумбергге Брюсселдин европалык саясатты изилдөө борборунун ЕБнын тышкы саясат боюнча алдыңкы эксперти Стивен Блокманс.
Россиянын саясатчыларына, ишкерлерине жана компанияларына каршы санкциялар кантип киргизилген
Батыш өлкөлөрү 2014-жылдын март айынан тартып Россиянын Украина боюнча көз караштарына байланыштуу санкцияларды бир нече жолу киргизген. Акыркы жолу мындай чара 2015-жылдын мартында колдонулуп, анда АКШ санкциялык тизмени кеңейткен болчу.
