БИШКЕК, 18-мар. — Sputnik. Экинчи дүйнөлүк согуштун тарыхын бурмалап кайра жазуу аракеттери азыркы Россиянын беделин түшүрүп, аны мокотууга багытталган деп айтты шейшембиде РФтин президенти Владимир Путин деп билдирет РИА Новости.
"Кээде айрым бир уятсыз тыянактарды, байкоо деп аталган чындыкка эч тиешеси жок нерселерди кайталаганга тилиң барбайт. Алардын максаты түшүнүктүү. Бул азыркы Россиянын беделин түшүрүп, аны мокотууга, жеңүүчү өлкө статусунан жана андан келип чыгуучу бардык эл аралык укуктук абалынан ажыратууга, элдерди бөлүп-жарып уруштурууга, тарыхый алып сатарлыкты геосаясий оюндарда пайдаланууга багытталган", — деди президент Жеңиштин 70 жылдыгын майрамдоо боюнча уюштуруу комитетинин отурумунда.
Ал азыркы учурда адамдардын түтүндөй бир муунун "каралоо" аракети жүрүп жаткандыгын белгиледи.
"Бүгүн, тилекке каршы, ошол кездеги согуштун окуяларын жөн гана бурмалап, башкача жазуу гана аракети эмес, ачык эле наадандык менен айтылган калпты, жеңиш үчүн колунда болгондун баарын берип, жер жүзүндө тынчтыкты сактап калган адамдардын бүтүндөй бир муунун каралоо жүрүп жаткандыгын көрүэбөбүз", — деди президент.
