Жума сайын Бишкектин базарларындагы жана супермаркеттериндеги баалардын өзгөрүшүн бул жактан карасаңыз болот. Бул жумада өтө ылдамдык менен кымбаттаган же арзандаган азык-түлүк болгон жок. Бүгүн биздин кабарчылар Талас шаарынын базарындагы бааларга байкоо жүргүздү.
Кыргызстандын ар бир облусу өзүнө таандык азык-түлүктөрү менен белгилүү. Мисалы, Талас аймагы төө буурчак өстүрүү боюнча алдына эч кимди чыгарбайт. Азыр бир килограмм төө буурчак 40 сомдон сатылууда. Бул азыктын арзандашын дыйкандар кургакчылыкка байланыштырууда. Мурдагы жылдары төө буурчак 120 сомдон болуп, 25 мамлекетке сатылган. Быйыл 17 гана өлкөгө сатууга мүмкүнчүлүк болду.
