БИШКЕК, 4-мар — Sputnik. Токионун укук коргоочулары ишке кечигип келгендиги үчүн өз кызматкерине электрошокту колдонуп жазалаган консалтингдик фирманын 29 жашар жетекчисин кармады деп билдирет РИА Новости аталган шаардын полиция башкармалыгынын маалыматына таянуу менен.
Күч ведомствосунун билдирүүсүнө ылайык, фирманын директору кезектеги жолу кечигип келген кызматкерлерине электрошокту колдонуп, ошондой эле колуна урунган чырак менен сабап жана тээп жибергендиги айтылат. Кызматкердин алган жаракаттары үч жума дарылоону талап кылат.
Компаниянын жетекчисинин айтымында, ал дайыма кечигип келгендиги үчүн кызматкерине эскертүү жасаган, бирок тиги күнөөсүн моюнга алгандын ордуна "акылы жок немедей мылжыктай баштаганда" өзүн кармана албай кетип, электрошокту колдонгон.
