Доллардын көтөрүлүшүнөн улам газдын баасы март айы үчүн 2 пайызга кымбаттады

© Фото / Андрей Стенин / Медиабанкка өтүүГазплита. Архив
Газплита. Архив - Sputnik Кыргызстан
Жазылуу
"Газпром Кыргызстан" ААКы март айы үчүн газдын тарифин белгилеп, ал март айынын башына карата доллардын кыргыз сомуна болгон катышын эске алуу менен эсептелди.

БИШКЕК, 3-мар. — Sputnik. Карапайым калк газдын бир кубометри үчүн март айында 14,24 сом төлөсө, өнөр-жай ишканалары үчүн ал 17,08 сом төлөйт. Аталган баалар бардык салыктарды эске алуу менен белгиленгенин "Газпром Кыргызстан" ААКтын маалымат кызматы билдирди.

Энергетика жана өнөр-жай министрлигинин Отун-энергетика клмплексин жөнгө салуу мамлекеттик департаменттин буйругуна ылайык, "Газпром Кыргызстан" ар айдын башында Улуттук банк тарабынан белгиленген доллардын курсу менен газдын тарифин эсептеп чыгыш керек.

Март айынын башына белгиленген доллардын курсу 61,29 сом болгон. Ал эми февраль айынын башында бир америка доллары 59,81 сомду түзүп, 

Андыктан доллардын кымбатташына байланыштуу газдын баасы да карапайым калк үчүн 28 тыйынга, өнөр-жай ишканалары үчүн 31 тыйынга кымбаттаган. Февраль айында калк үчүн газдын баасы 13,96 сом болсо, өнөр-жай ишканалары үчүн 16,77 сом болчу.

Жаңылыктар түрмөгү
0