Бишкек, 3-мар. — Sputnik. Борбор калаада "Хизб-ут-Тахрир" экстремисттик уюмунун аялдар ячейкасы табылып, иши токтотулду деп УКМКнын маалымат кызматынан кабарлашты.
Аталган ячейка жашыруун түрдө жаштар, студенттер арасында диний экстремисттик уюмга тартуу иштери жүргүзүп жана Кыргызстандын конституциялык түзүмүн кулатуу боюнча чакырыктар басылган экстремисттик адабияттарды жайылтып келген.
Бишкек шаарында жашаган шектүү делген аялдардын жашаган жерин тинте келгенде тыюу салынган экстремисттик адабияттар, анын электрондук түрдөгү варианттары, CD жана DVD дисктер жана флеш-карталар табылган. Теологиялык экспертиза жүргүзүү үчүн кармалган адабияттар Дин иштери боюнча мамлекеттик комиссияга жиберилди.
Учурда жер-жерлерде УКМК менен ИИМ диний экстремизмге каршы күрөшүү боюнча биргеликте алып барууда.
