Бишкек, 3-мар. — Sputnik. Президент Алмазбек Атамбаев Кылмыш-жаза кодексине өзгөртүүлөрдү киргизүү жөнүндө, тактап айтканда, коомдук коркунучтуу кол салуудан активдүү коргогон адамдардын укуктарынын кепилдигин камсыз кылуу кызыкчылыгын коргогон мыйзамга кол койду. Бул туурасында президенттин маалымат кызматы билдирди.
Мыйзам Жогорку Кеңеш тарабынан 2015-жылдын 14-январында кабыл алынган.
Мыйзамдын максаты – өз укуктарын жана коомдун же мамлекеттин мыйзам тарабынан корголгон укуктарын коомдук коркунучтуу кол салуудан активдүү коргогон адамдардын укуктарынын кепилдигин камсыз кылуу үчүн КР Кылмыш-жаза кодексинин айрым жоболорун өркүндөтүү.
Мыйзамда КР Кылмыш-жаза кодексинин коргонуу зарылдыгы тууралуу 36-беренеси жаңы редакцияда баяндалат жана турак-жайдын кол тийгистигин бузгандыгы үчүн жоопкерчиликти караган 137-беренеге өзгөртүүлөр киргизилет.
Жарлык расмий жарыяланган күндөн тартып күчүнө кирет.
