Үч айдан кийин оң рулдуу машиналарды Кыргызстанга алып кирүүгө тыюу салынат

Жазылуу
Өлкө президенти кол койгон буйрукка ылайык, үч айдан кийин өлкөгө оң рулдуу машиналарды алып кирүүгө тыюу салынат

БИШКЕК, 28-фев. — Sputnik. Кыргызстандын президенти Алмазбек Атамбаев жол кыймылы жөнүндөгү мыйзамга толуктоо киргизүү тууралуу мыйзамга кол койгонун президенттин аппаратынын маалымат кызматы билдирди.

Мыйзам расмий жарыяланган күндөн тартып үч ай өткөндөн кийин күчүнө кирет.

Праворульное авто - Sputnik Кыргызстан
Былтыр Чүйдө сол рулдууларга караганда оң рулдуу машиналар 2,5 эсе көп катталган
Мыйзам оң рулдуу башкаруудагы машиналардын катышуусундагы жол кырсыктарын азайтууга багытталган. Мыйзам Жогорку Кеңеши тарабынан 2015-жылдын 28-январында кабыл алынган.

Ал эми башкаруучу оң жакта болгон айыл-чарбасы үчүн жолдорду курууда колдонулуучу автокрандарды, автобургулоочуларды, автобетон аралаштыргычтарды, чачып жуугуч машиналарды алып кирүүгө тыюу салынбайт.

Ошондой эле аталган мыйзамдын 2-статьясы рулдук башкаруусу сол тарабына жана оң тарабына жайгаштырылган транспорт каражаты деген түшүнүктөр менен толукталат.

Жаңылыктар түрмөгү
0