БИШКЕК, 26-фев — Sputnik. Москва Киевдин элдешүү үчүн койгон шарттары аткарылгыс деп эсептей тургандыгын билдирди РФтин ТИМ жетекчиси Сергей Лавров. Бул туралуу РИА Новости кабарлайт.
"Негизинен алганда Киевдин бийлигинин көз караштарын толук колдоочу күлкү келерлик шарттар коюлуп жатат. Ал эми, өзүңүздөр билгендей, ал бир же эки күн эч бир ок атылбаса гана, оор куралдарды алып кете баштай тургандыктарын билдирген. Идеалдуу убактылуу элдешүү, атышууларды токтотуунун идеалдуу тартиби болбостугу баарыбызга жакшы маалым", — деди Лавров.
"Мурдагүнү Парижде "Нормандия төртилиги" тышкы иштер министрлеринин деңгээлинде жолугушуп, биздин германиялык кесиптешибиз оор кураалдарды четке алып чыгуу башталмайынча, окуялардын кайталануу коопчулугу аларды алып кеткендегиден бир топ жогору экендигине толук макул болду", — деп кошумчаларды министр.
Минсктеги сүйлөшүүлөрдө эмнелер жөнүндө макулдашылды
"Нормандия төртилигинин" 12-февралдагы сүйлөшүүлөрү Донбасста кырдаалдын кескин курчуп кеткен шартында өттү. Мындай абал өз күчүн көбөйтүү менен ыктыярчылардын орун алган жерлерине чабуул коё баштаган украин күчтөрүнүн аракеттеринен болду. Жолугушуунун жыйынтыктары боюнча Россия, Украина, Франция жана Германия өлкөлөрүнүн лидерлери бир катар чараларды көрүү, анын ичинде 15-февралдан тартып Донбасста ок атууларды токтотуу, оор куралдарды бири-биринен алыс алып кетүү жана коопсуз тилкесин түзүү жөнүндө чечимдерди кабыл алышкан.
