БИШКЕК, 26-фев — Sputnik. БУУнун Коопсуздук кеңеши Сирияда колго түшүрүлгөн ассириялык христиандарды токтоосуз бошотууну сурайт деп билидрет РИА Новости Кеңештин шаршемби күнү кечинде кабыл алынган билдирүүсүнө таянуу менен.
Мурдатан кабарлангандай, "Ислам мамлекети" (ИМ) террористтик уюмунун согушчандары 23-февралда Сириянын Эль-Хасика провинциясында жашоочу 270 ассириялык христиандарды кармап алышкан. Ливандын ассириялык башкы чиркөөсүнүн кызматкери Саргон Имдин согушчандарынын колуна түшкөн ассириялык христиандардын саны 200дөн ашык болушу мүмкүндүгүн РИА Новости агенттигине ырастады.
"Коопсуздук кеңешинин мүчөлөрү ИМ 2015-жылдын 23-февралында Сириянын түндүк-чыгышында жүздөн ашуун ассириялыктарды кармап кеткендигин, ошондой эле христиан шаарларын кыйратып кордогондугун катуу сынга алат", — деп айтылат таратылган билдирүүдө.
БУУнун КК мүчөлөрү мындай кылмыштар ар түрдүү диндин жана улуттардын өкүлдөрү болгон карапайым жашоочуларга карата жасалган миңдеген кылмыштар үчүн жооптуу болгон ИМдин ырайымсыздыгын дагы бир жолу далилдейт деп белгилешкен.
"Коопсуздук кеңеш ИМ, "Фронт Ан-Нусра" жана башка "Аль-Каида" менен байланышы бар бардык топтор менен бирикмелер тарабынан кармалган бардык адамдарды токтоосуз жана эч шарт коюусуз бошотууну сурайт жана мындай ырайымсыз кылмышка күнөөкөрлөр жоопко тартылышы керектигин баса белгилейт", — деп айтылат документте.
Мурдатан БУУнун башкы катчысы Пан Ги Мун Сирияда барымтага алынган христиандарды бошотууга чакырган жана Сирияда кармалган бардык карапайым тургундарды коё берүү зарылчылыгы тууралуу кайра билдирген.
Рфтин ТИМ да Имдин согушчандары ассириялык христиандарды кармашын кескин сынга алды.
