Депутат Калматов: өкмөттү кетирүү боюнча демилге көтөрөм

© AFP / VYACHESLAV OSELEDKOЗолотоносный рудник Кумтор
Золотоносный рудник Кумтор - Sputnik Кыргызстан
Жазылуу
"Ар Намыс" фракциясынын депутаты Анарбек Калматов өкмөттүн Кумтөр маселеси боюнча Centerra Gold Inc. менен буга чейинки сүйлөшүүлөргө нааразы экендигин айтып, Өкмөттү отставкага кетирүү боюнча демилге көтөрдү.

БИШКЕК, 26-фев — Sputnik. Жогорку Кеңеш "Кумтөр" маселесин  - биргелешкен ишкана түзүү жана буга чейинки ЖКнын токтомдорунун аткарылышын карап жатат.

"Ар Намыс" фракциясынын депутаты Анарбек Калматов өкмөттүн  Кумтөр маселеси боюнча Centerra Gold Inc. менен буга чейинки сүйлөшүүлөрдүн жыйынтыгына ыраазы эместигин айтып, Өкмөттү кетирүү боюнча демилге көтөрдү. 

Кыргыз өкмөтү "Кумтөр" маселеси боюнча, тактап атканда "Кумтөр" кени боюнча юридикалык, экологиялык жана каржылык экспертиза кылуу үчүн АМЕС деп аталган эл аралык компанияны жалдаган.

Бүгүнкү ЖКда бул маселе каралып жатканда депутат Анарбек Калматов эл аралык экспертти жалдоого канча каражат кеткендигине кызыкты.

"Бул боюнча юридикалык, экологиялык, финансылык экспертизаны жүргүзүү үчүн эл аралык АМЕС жана жергиликтүү "Колибри" деп аталган компанияларды жалдадык. Аларга   — 4, 5 — 5 млн. доллар каражат жумшалды", — деди "Кыргызалтын" ААКтын жетекчиси Токон Мамытов.

Депутат сомго которгондо 300 миллонго сомго чукулдап баргандыгын айтып, буга нааразычылыгын билдирди.

"Муну сомго которгондо 300 млн. сомдун тегерегиндеги акча болот экен. ЖКнын берген токтомдун бир да пункту аткарылган эмес. Силер чечип келгендердин бардыгы техникалык маселелер", — деди Калматов.

Буга нааразчылыгын айткан депутат Калматов депутаттык укугунан пайдаланып, өкмөттү кетирүү боюнча демилге көтөрүп, аны добушка коюуну спикер Асылбек Жээнбековго сунуштады.

Жаңылыктар түрмөгү
0