БИШКЕК, 26-фев — Sputnik. "В Контакте" соцтармагында жайылтылган ИМдин "Согуш жалыны" деп аталган пропагандисттик тасмасына Москва шаарынын Тверь райондук соту тыюу салды деп билдирет РИА Новости соттун маалымат катчысы Евгения Потапкинага таянуу менен.
Маалымат катчы экстремисттик мазмундагы тасма "В Контакте" социалдык тармагы аркылуу жайылтылганын белгиледи.
"Москванын көзөмөл органы тасма боюнча сотко арыз берген. Сот отурумунда ал көрсөтүүгө тыюу салынган деп таанылды. Тасманы жайылтууга федерациянын бардык субъекттеринде уруксат берилбейт", — деди Потапкина.
Өткөн жылдын декабрында Россиянын Жогорку соту тарабынан ИЛИМ уюму экстремисттик деп таанылып, РФтин аймагында анын бардык иш-аракеттери жана ага катышуу Россиянын мыйзамы тарабынан куугунтукка алынат деп чечим чыгарылган.
Өткөн жылдын жай мезгилинде "Ислам мамлекети" террористтик уюму тарыбынан басып алынган Сирия менен Ирактын жерлеринде "халифат" орнотулду деп жарыяланган. ИМ айрыкча Сириянын өкмөттүк күчтөрүнө каршы күрөштө күч топтоп, өзүнүн бөтөнчө канкордугу менен таанымал болду.
Согуштанрдын натыйжасында миңдеген тургундар курман болуп, качкындардын саны жүз миңдеп саналат, ал эми дагы он миңге жакын адам барымтага алынган.
ИМдин катарында 30 миңге жакын согушчандар бар.
Ирактын жана Сириянын өкмөттүк аскерлери менен аталган эки өлкөнүн курддарынан сырткары, ИМге каршы Вашингтон башчылык кылган эл аралык коалиция да күрөшүп жатат.
