БИШКЕК, 25-фев — Sputnik. The American Conservative басылмасынын журналисти Дэниел Ларисон, эгер Америка Украинада курман болуп жаткандарын санын көбөйтүү үчүн чыракка май тамызып турбаса, америкалык сенатор Жон Маккейн аза күтүп, өз кийимин өзү тытып калат деп билдирди. Бул тууралуу РИА Новости кабарлайт.
Автор өз макаласында Маккейндин акыркы сөздөрүн комментарийлеп жатып, сенатор өз өлкөсү адамдардын көп өлүмүнө алып келүүчү аракеттерге каршылык көрсөткөндө гана уяла баштайт деп жазган. Акыркы жыйырма жылда бул саясатчы башка өлкөлөрдүн ички иштерине кийлигишүү менен атагы чыкты, дайыма аскердик саясатты карманып келет.
Эгер АКШ маселени курал-жаракка "толтуруп салса", Маккейн өзүн жакшыраак сезет болуш керек. Ал өзү жардам көрсөтүүгө ушунчалык жанталашып жаткандардын тагдырына эч кызыкпайт деп эсептейт Ларисон.
Дал ушул себептен тышкы саясат боюнча Маккейндин мындай кеңештери менен сунуштарына эч качан кулак салбаш керек деп эсептейт колумнист.
АКШ Киевге курал бере турган болсо, бул Украинанын түштүк-чыгышындагы абалдын курчутуп, чыр-чатактан курмандыктары менен жабыр тартуучуларды көбөйтүп, андан тышкары, Украина андан да көп жерлеринен кол жууп калышына алып келет.
"Маккейн украиналыктар жардам күтүп жатат деген ойдо, бирок чынында ал өзүнүн аракеттери менен украиналыктарга зыян гана алып келет. Ошону менен Америка окуялардын натыйжасына кайсы бир деңгээлде жооптуу болот", — деп кошумчалады журналист.
Америкалык сенатор, Украинада чыр-чатакты CBS телеканалынан комментарийлеп жатып, өз өлкөсүнүн, мамлекет башчысынын жана өзүнүн жасагандарынан уялып жатам деп айткан. Киевге курал-жарак берүү маселесин Америка эмдигиче чечпегенине анын "жаны ачып жатат".
Минсктеги сүйлөшүүлөрдүн жыйынтыктары
Россия, ГФР, Франция жана Украина өлкөлөрүнүн лидерлери 12-февралда Донбасстагы каатчылыкты жөнгө салуу боюнча Минскте "Нормандия төртилигинин" сүйлөшүүлөрүн кайра баштаган. Узакка созулган сүйлөшүүлөрдөн кийин "Минск макулдашууларын аткаруу боюнча иш-чаралар топтому" деп аталган документ кабыл алынган. Анда 15-февралда түнкү саат 00.00до ок атууларды токтотуу, ошондой эле оор куралдарды бири-биринен алыс алып кетүү жана коопсуз тилкесин түзүү жөнүндө айтылат.
Минск макулдашуулары кандай аткарылууда
Минсктеги акыркы макулдашууларга ылайык кырдаал бир топ жакшырды, бирок Украинанын бардык аймактарында эмес. Мислаы, Дебальцево. АТОнун күчтөрү шаардын алдында курчоодо калган, бирок Киевде бул фактты моюнга алышкан жок. Дебальцевонун аймагында акыркы күндөрү куралдуу кагышуулар жүрүп турду.
