БИШКЕК, 24-фев—Sputnik. Россияда иштеп жаткан ЕАЭБге мүчө өлкөлөрдүн жарандарынын кирешесинен, 2015-жылдын 1-январынан тарта 13 пайыздык салык алынат деп билдирди Евразиялык экономикалык комиссиянын расмий порталы.
ЕЭК РФ Каржы министрлиги салык органдарын ЕАЭБге кирүү туурасындагы келишим күчүнө киргендигине байланыштуу 2015-жылдын 1-январынан тарта Россиянын аймагында иштеп жаткан Беларусь, Казакстан жана Армения жарандарынан 13 пайыз өлчөмүндөгү пайда салыгын төлөшөөрүн маалымдаган.
ЕЭАБдин 73 келишиминин беренелеринде, аталган уюмга мүчө өлкөлөрдүн бири башка мүчө өлкөнүн жаранын жумушка алса, эл аралык келишимдерге ылайык, андан салык алууга укуктуу деп жазылган.
Бул жаңы эреже Кыргызстан ЕАЭБге толук кандуу мүчө болуп киргенден кийин, анын жарандарына да тиешелүү болот. Бул 2015-жылдын май айынан тарта мыйзамдуу түрдө ишке кирет.
