БИШКЕК, 22-фев. — Sputnik. Президент Алмаз Атамбаев КРдин Салык Кодексине толуктоолорду жана өзгөртүүлөрдү киргизүү жөнүндө документке кол койду. Бул туурасында президенттин маалымат кызматы билдирди.
Мыйзамда импорттолгон банк жабдууларын (банкоматтар, POS-терминалдар, төлөм терминалдары жана банк күркөлөрү) кошумча нарк салыгынан бошотуу каралган.
Документ убактылуу, тактап айтканда 2007-жылдын 31-декабрына чейин иштейт. Ал расмий түрдө жарыялангандан 15 күндөн кийин күчүнө кирет.
КРдин учурдагы Салык Кодексинин редакциясында өздүк өндүрүштүк максат үчүн ташылып келине турган негизги каражаттардын тизмесин аныкталып, ал кошумча нарк салыгынан бошотулат. Бирок, бул тизмеге импорттолуп келе турган банктык жабдуулар кирбей калган. Өкмөт мүчөлөрүнүн пикиринде, бул 2012-2017-жылдардагы накталай эмес төлөмдөрдүн көлөмүн көбөйтүү боюнча мамлекеттик программаны ишке ашыруу үчүн зарыл болгон шарттардын бири.
