БИШКЕК, 20-фев — Sputnik. Экстремисттер бир катар өлкөлөрдүн өкмөттөрүн туруктуу абалдан чыгарышы мүмкүн деп билдиришти зомбулуктуу экстремизмге каршы туруу боюнча министрлердин бейшемби күнү Вашингтондо аяктаган жолугушуунун катышуучулары деп жазат РИА Новости.
"Катышуучулар зомбулук аракеттерди жактоочу экстремисттер өкмөттөрдү туруксуздаштырып жана коомдордун ичинде өз ара уруш-талаштарды жайылтуу аракеттерин көрүшү мүмкүн", — деп айтылат жолугушуунун жыйынтыгы боюнча жасалган жалпы билдирүүдө. Ошондой эле катышуучулар диний кемсинтүүчүлүккө каршы күрөшө тургандыктарын да билдиришти.
60тан ашуун өлкөнүн катышуусундагы саммит АКШнын мамлекеттик департаментинин демилгеси менен жана президент Барак Обаманын башчылыгы астында Вашингтондо өттү. Россиянын делегациясын ФККнын директору Александр Бортников жетектеп барды. Жолугушуу "Ислам мамлекети" террористтик тобу өзү басып алган жерлерде "халифаттын" түзүлүшүн жарыялаган Сирия менен Иракта чыр-чатак улам курчуп бара жаткан шартта өттү.
