БИШКЕК, 20-фев — Sputnik. Британиянын ЖМКларында акыркы күндөрү Россияга каршы маанайдагы билдирүүлөрдүн кескин күч алышы басма сөздөр Улуу Британиянын тургундарын Украинадагы чыр-чатактын күч алышы дагы улана тургандыгына даярдап жатканын күбөлөйт деп жазат британиялык талдоочу Жон Уайт RT макаласында.
Анын пикири боюнча, россиялык президентти Улуу Британиянын басма сөздөрүндө азезил кылып көрсөтүү ушунча чектен ашып кеткендиктен, ага ишене турган момунду табуу кыйын болот.
"Айыптоолор акыркы жылдары Афганистандын, Ирактын жана Ливиянын алсырап, башаламандыкка чейин жетишинде өкмөттөрү чоң роль ойногон өлкөлөрдөн чыгып жатышы, <…> аларды андан да эки жүздүү, ал тургай, заардуу кылып көрсөтөт", — деген ишеничте ал.
Бул русофобия, талдоочунун пикиринде, дүйнө азырынча бир тараптуу экендигин, анда "Батыштын гана укуктары менен кызыкчылыктары мыйзамдуу болуп эсептелерин" далилдейт.
"Владимир Путиндин жана Россиянын болгон кылмышы ал АКШнын империясына, эки жүздүүлүккө жана башка мамлекеттер менен, маданияттарга жана баалуулктарга эч сый-урматтын жоктугуна каршылык көрсөтүүгө батынгандыгында турат", — деп эсептейт эксперт.
Эртеби-кечпи, Украина боюнча саясий чечим жетишилиши керек дейт Уайт. Бирок Улуу Британиянын саясий багытынын чегине айланган мажүрөө мүнөздөгү русофобия жоюлганда гана бул мүмкүн болот.
"Россия — британиялыктардын душманы эмес. Алардын душманы — жоопкерсиздик жана өз ара сый-урматка негизделген европалык туруктуулукка акылсыздык менен кайдыгер мамиле кылуу", — деп эсептейт журналист.
