БИШКЕК, 14-фев — Sputnik. Америкалык саясат таануучу Кеннан институтунун директорунун орун басары Украинаны колдоого карата ЭВФ тарабынан бөлүнгөн МВФ 17,5 миллиард доллар жылдын аягына чейн жетпей калышы мүмкүн деп эсептейт деп билдирет РИА Новости.
Эксперт Киевге дүйнөлүк коомчулук тараптан көп каражат бөлүнүшү талап кылынат деп эсептейт.
"Украина азыр чоң экономикалык кыйынчылыктарды башынан өткөрүп жатканы анык, мүмкүн, ЭВФ берген акча жылдын аягына чейин да жетпейт. Киевге дүйнөлүк каржы иниституттары бөлүп жаткан каражаттар аздык кылышы ыктымал. Бериле турган 40 миллиард долларды ЭВФ өзү төрт жылга эсептеп жатат", — деди Померанц.
Ошол эле учурда, деп белгилейт саясат таануучу, Ак үй менен Брюссель Украинаны колдоого чыгымдарды төлөгүлөрү келбейт. Адистин көз карашында, алар каражат Эл аралык валюта фонду тарабынан бөлүнүшүн эң жакшы жол деп эсептейт.
"Вашингтон да, Европа биримдиги да ЭВФ жетиштүү акча берсе, ал эми өзүлөрү Киев үчүн эч нерсе төлөбөсөк дешет", — дейт эксперт, ЭВФ башчысынын Украинага бөлүнгөн 17,5 миллиард насыя жөнүндө билдирүүсүн комментарийлеп жатып.
Украин мамлекетин колдоону бир нече каржы институту аркылуу кеңейтүү боюнча сүйлөшүүлөрдүн оң натыйжалары тууралуу бейшемби күнү Эл аралык валюта фондунун жетекчиси Кристин Лагард кабарлады.
Төрт жылда бөлүнүп бериле турган каражаттын көлөмү 40 миллиард долларга жетет. ЭВФ өзү 17,5 миллиард бөлүп жатат, 4 миллиард долларды Украина ЕРӨБдан, Дүйнөлүк банктан жана башка эл аралык уюмдардан алат. Европа биримдиги 2,2 миллиард доллар; Вашингтон 2 миллиард доллар; Германия, Япония, Канада, Польша жана Норвегия 1 миллиард доллар бермекчи. Эки жана көп тараптуу кошумдарды берүү мөөнөтү бир жылдан эки жылга чейин созулат.
