БИШКЕК, 12-фев — Sputnik. Кыргызстандын Башкы прокуратурасы соттолуучу Ахматбек Келдибековдун баш коргоо чарасын өзгөртүп, №1 убактылуу кармоочу жайга отургузууну өтүнгөн документти сотко жөнөттү деп билдирди аталган ведомствонун маалымат кызматы.
Анын жактоочусу Татьяна Чильникина шаршемби күнү Бишкек шаарынын Биринчи Май райондук сотуна аны жакталуучусу-экс-спикер Келдибековдун ишине байланыштуу соттук отурумду жаңыртуу боюнча өтүнүч катын жибергендигин билдирген. Депутат 10-февралда узак мөөнөттү дарылоо курсунан кийин Кыргызстанга кайтып келген.
Маалыматта бул жагдай КРдин Кылмыш процессуалдык кодексинин 122-беренесинин 1-бөлүгүнө туура келээрин жана Келдибеков дарыланып келгенден кийин, мындан ары үй камагына алуу зарылдыгы жоктугун билдирген.
КРдин Башкы прокуратура тарабынан тагылган айыптын оордугун, соттолуучунун жекелегин, ага оор айыптар тагылгандыгын жана анын из жашырып кете тургандыгы, андан сырткары колунда мандаты болгондуктан сот процесстеринин объективдүү өтүшүнө тоскоолдук кылышы мүмкүндүгү айтылган.
"Мындай жагдайлардын улам, Биринчи Май райондук сотуна анын баш коргоо чарасын өзгөртүп, №1 убактылуу кармоочу жайга отургузууну өтүнгөн документ менен кайрылды", — деп айтылат таратылган маалыматта.
Аида Салянова Баш прокурор болуп турган мезгилинде 21-ноябрда депутаттардын алдында сүйлөп жатканда Келдибековдун мамлекетке келтирген зыяны 40 миллион сомдун тегерегинде экендигин айткан. Бишкек шаардык Биринчи Май райондук сотунун чечими менен эл өкүлүнө чет өлкөгө барып дарыланып келүүгө уруксат берилген. Медиктердин берген көрсөтмөсү боюнча, ага Германияга гана барууга уруксат каралган. Андан берки убакыт ичинде ЖКнын экс-спикеринин тизесине төрт операция жасалды.
