Сирия менен Ирактагы окуялар сырткы кийлигишүүдөн болуп жатат деп эсептейт Путин

© REUTERS / Khalid al-MousilyНа месте взрыва в Багдаде, 7 февраля 2015
На месте взрыва в Багдаде, 7 февраля 2015 - Sputnik Кыргызстан
Жазылуу
Россия мамлекетинин башчысы Жакынкы Чыгышта болуп жаткан окуялар бир тараптуу күч көрсөткөндүктүн, анын ичинде Сирия менен Ирактын иштерине одоно жана жоопкерчиликсиздик менен кийлигишүүнүн натыйжалары деп эсептейт.

БИШКЕК, 9-фев — Sputnik. Россиянын президенти Владимир Путин Жакынкы Чыгышта болуп жаткан окуялар Сирия менен Ирактын иштерине одоно жана жоопкерчиликсиздик менен кийлигишүүнүн, ошондой эле эки жүздүүлүк саясатын колдонуунун натыйжалары деп эсептейт деп билдирет РИА Новости.

"Сирияда жана Иракта болуп жаткандар — бир тараптуу күч көрсөткөндүктүн, анын ичинде Жакынкы Чыгыш аймагынын иштерине одоно жана жоопкерчиликсиздик менен кийлигишүүнүн, ошондой эле кош стандарттар саясатын колдонуунун жана террористтерди "жаман", "жакшы" деп бөлгөндүктүн натыйжалары", — деди Путин Египеттин алдыңкы басылмасы "Аль-Ахрам" гезитине берген маегинде.

Ишемби күнү Иракта бир катар террористтик акттар жүргүзүлүп, натыйжада Багдаддын 40тан ашуун туругну курман болду. Бул үчүн жоопкерчиликти ИМ согушчандары өзүнө алды.

"Ислам мамлекети" террористтик тобу сириялык мамлекеттик күчтөргө каршы аскердик аракеттердин жүрүшүндө чоң кубаттуулукка жетишип, өзүнүн катуу ырайымсыздыгы менен таанылды. 

ИМ менен күрөшүүнүн айкын фронту азыркыга чейин аныктала элек. Топко каршы менен Сирия менен Ирактын өкмөттүк күчтөрү, ошондой эле ирактык жана сириялык курддар күрөшүп жатат. АКШ башчылык кылган эл аралык коалициянын көргөн аракеттери азырынча абадан сокку уруулар менен чектелүүдө.

23-сентябрдан тартып америкалыктар шериктештеринин колдоосу менен ИМдин Сирияда жайгашкан жерлерине абадан сокку ура баштаган, ушундай эле иш-аракеттер август айынан тартып Иракта да жүрүп жатат. Ошол эле учурда Вашингтон авиацияны расмий Дамасктын уруксаты жок эле колдонууда.

Куралдуу кагылышуулардын натыйжасында курман болгон карапайым тургундардын саны бир нече миңдеп саналат. Жүз миңдеген адамдар аргасыз качкындарга айланып, ал эми дагы бир нече миңи "Ислам мамлекетинин" согушчандарынын барымтасында жатат.

Жаңылыктар түрмөгү
0