БИШКЕК, 6-фев — Sputnik. Кыргызстандык журналисттерге "Чынчылдык. Кайраттуулук. Кесипкөйлүк" үчүн Геннадий Павлюк атындагы сыйлык ыйгарылды. Бул тууралуу "Евразийцы — новая волна" фонду маалымдады.
"Конкурска гезит-журнал, теле-радиодо иштеген журналисттерден 47 эмгеги келген. Калыстар тобун "Чүй жаңылыгы" гезитинин башкы редакторунун орун басары Александр Никсдорф жетектеген. Эмгектерди баалоодо теманын актуалдуулугу, профессионализм жана жазуу өзгөчөлүгү каралган", — деп айтылат фонд тараткан маалыматта.
Байге фонду 200 миң сомду түзгөн. Салтка айланган статуэтка, ардак грамота жана акчалай сыйлыктардан тышкары жеңүүчүлөргө сыйлыктын эн белгиси басылган алтын, күмүш жана коло төш белгилер тапшырылды.
Белгилүү журналистти 2009-жылы колу-бутун байлап туруп, Алматыдагы көп кабаттуу үйдүн 6-кабатынан ыргытып жиберишкен. Анын сөөгү Казакстандын Ички иштер министрлиги тарабынан табылган.
2010-жылы Касымалы Баялинов атындагы балдардын жана жаштардын республикалык китепканасынын жанына эстелиги тургузулган. Эстеликти эки жылдан кийин уурдап кетишкен. Кийин эстелик экиге бөлүнгөн абалында табылган. Аны калыбына келтирүү үчүн 100 килограммдай коло жетпей калган. Президент Алмазбек Атамбаев аны калыбына келтирүү үчүн жеке каражатынан бөлүп берген.
