ИИМ Сирияга барганга үндөгөн эктремистти издеп жатат

Жазылуу
Yandex newsTelegram
Учурда кыргызстандыктарды көп убакыттан бери Сириядагы согушка үндөп жана жөнөтүп жүргөн Кара-Суу районунун 26 жаштагы тургуну изделүүдө.

БИШКЕК, 3-фев — Sputnik. КРдин Ички иштер министрлиги Кыргызстандык жарандарды Сириядагы согушка үндөп жана жөнөтүп жүргөн экстремисттик топтун активдүү мүчөсүнө издөө салды. Бул туурасында аталган министрликтин маалымат кызматы билдирди.

ИИМдин 10-Башкы башкармалыгынын кызматкерлери өлкөнүн түштүгүндөгү элди активдүү түрдө согушка үндөп жүргөн адамдын ким экендигин тактады. 

Учурда кыргызстандыктарды көп убакыттан бери Сириядагы согушка үндөп жана жөнөтүп жүргөн Кара-Суу районунун 26 жаштагы тургуну изделүүдө. Азыр ал "Жабхат ан Нусра" террористтик уюмдун катарында туруп, согушка катышып жана аны менен катар эле туугандары менен тааныштарын аталган аймакка келүүгө үндөп жүрөт.

"2014-жылы ал өзүнүн жакын тууганы, Кара-Суу районунун Савай айлынын 25 жаштагы тургунун өзүнүн катарына тартып алып чыгып кетип, ал кийинчерээк согушта каза тапкан", — деп билдирди маалымат кызматынан. 

Негизинин алдап алып чыгып кетүүгө аракеттенгендердин торуна Ош жана Баткен облустарынын тургундары түшүп калууда. Бул ишти эл аралык террористтик уюмдардын тыңчылары илып барып жатат. Ыкчам иликтөө жана алдын алуу иштерин жүргүзүү үчүн ички иштер министри Мэлис Турганбаев аталган министрликтин тажрыйбалуу ыкчам кызматкерлерин аталган аймакка жөнөттү.

Жаңылыктар түрмөгү
0