БИШКЕК, 27-янв — Sputnik. Кыргыз өкмөтү өлкөнүн Евразия экономикалык биримдигине кошулуусун сүйлөшүү процесси боюнча кезектеги иштиктүү топко катышуу маселесин карады. Премьер-министр Жоомарт Оторбаев министрлик жана ведомство жетекчилеринин катышуусунда өкмөттүк делегациянын кеңешмесин өткөрдү. Бул тууралуу өкмөттүн маалымат кызматы билдирди.
Жыйын маалында Евразиялык экономикалык комиссиянын жана ЕАЭБке мүчө тараптар менен өлкөнүн аталган бирликке кошулуусу боюнча кийинки талкууларда Кыргызстандын позициясы иштелип чыкты.
