ӨКМ жолго чыккандарга бүгүн да сак болууну эскертет

© Sputnik / Владимир Иванов / Медиабанкка өтүүАрхив: жол
Архив: жол - Sputnik Кыргызстан
Жазылуу
Өзгөчө кырдаалдар министрлиги жолдордо муз тоңуп, тайгак болгондуктан жана көчкү кооптуулугунан улам, алыскы сапарларда автоунаалардын ортосундагы 500 метр аралык кыймылы сакталышы зарыл экендигин да эскертет.

БИШКЕК, 27-янв — Sputnik. Өзгөчө кырдаалддар министрлиги тоолуу жолго чыккандарга жана сапарга камынгандарга аба ырайына байланыштуу жана жааган карга байланыштуу сак болуусун эскертет. 

Архив: кыш - Sputnik Кыргызстан
ӨКМ: Кыргызстанда алдыдагы төрт күн ичинде суук 30°-35°ка жетет
Жаап өткөн жана күтүлүп жаткан жаан-чачындарга байланыштуу Кыргызстандын тоолуу райондорунда, Бишкек – Ош унаа жолунун 121-137-жана 198-265-чакырымдарында, Бишкек – Талас унаа жолунун 198-210-чакырымдарында (Өтмөк ашуусу) күрткү топтолуп, көчкү түшүшү мүмкүн. 

Ош облусундагы Мырзаке – Кара-Кулжа – Алайкуу унаа жолунун 45-90-жана 145-150-чакырымдарында, Жалал-Абад облусундагы Ала-Бука – Каныш-Кыя унаа жолунун 62-100-чакырымдарында, Казарман – Акталчат унаа жолунун 67-94-чакырымдарында (Кара-көө ашуусу), Ысык-Көл облусундагы Каракол – Эңилчек унаа жолунун 45-90-чакырымдарында жогорудагыдай кооптуулук болгондуктан, жол жүргөндөргө жолдо сак болуусун эскертет. 

Кыргызгидрометтин билдирүүсүндө, бүгүн Бишкек шаарында кар жаабайт, түнкүсүн —15…-17 градус, күндүзү —5…-7 градус суук болот. Ош шаарында түнкүсүн —8…-10 градус, күндүзү —3….-5 градус болуп, кар жаабайт.

Жаңылыктар түрмөгү
0