ЖМК: Эрдоган Түркиянын ЕБге мүчөлүгү жөнүндө Европага кескин талап койду

БИШКЕК, 26-янв — Sputnik. Түркиянын президенти Режеп Тайып Эрдоган эгер Европа биримдиги (ЕБ) исламофобияга каршы болсо, анда өз курамына Түркияны кабыл алышы керек деп билдирди. Бул тууралуу РИА Новости Hürriyet Daily News булагына шилтеме берүү менен билдирди.

Эфиопияга болгон иш-сапары учурунда берген маалымат жыйында, түрк президенти терроризмге каршы жана аймактык кагылыштарда жана жарандык согушта мусулмандардын массалык кырылышы каршы экендигин баса белгиледи. Ал Түркия эч убакта түрдүү диндин өкүлдөрү болсо да террористтерге карата толеранттуу болбой турганын айтты. Эрдоган ошондой эле, Европа биримдиги менен Түркиянын алакасы жана ага Түркиянын мүчөлүгү жөнүндө өз оюн билдиргенин аталган басылма жазып чыкты.

"… Биз Европаны текшерип жатабыз. Калкын мусулмандар түзгөн Түркияны Европа өзүнүн катарына кабыл ала алабы? Эгер силер исламофобияга каршы болсоңор, Түркияны ЕБге кабыл алышыңар керек", — деди ал.

"Түркиянын НАТОнун жана экономикалык кызматташуу жана өнүгүү уюмунун мүчөсү… Эмнеге бизди ЕБге киргизбей жатасыңар? Демек, маселе таптакыр башкада экен да", — деген Түркиянын президенти "Түркия — бүгүнкү күнү күчтүү мамлекет жана ЕБге бизди мүчөлүккө кабыл алгыла деп жалынбайт", — деди.

Эрдоган ошондой эле, эгер Түркияны ЕБге кабыл алышпаса, алар өз жолу менен кете турганын баса белгиледи.