БИШКЕК, 19-янв—Sputnik. Европа эки айрылыш жолдо турат: биринчиси — Россия менен мамилесин түзөп, дүйнөнүн азиялык үлгүсүн курууга катышуу же, экинчиси – өзү менен өзү болуу.Француз саясат таануучусу, тарыхчы, РФтин тарыхы боюнча адис Элен Каррер д'Анкосстун мындай пикирин РИА Новости билдирет.
Саясат таануучунун айтымында, Москва бүгүнкү күндө Азия менен терең байланыштарды түзө баштады жана алар РФке каршы санкциялар киргизилгенден бери бекемдеп гана баратат. Элен д'Анкосстун пикиринде, Россияга карата болгон европалык көз караш жаңылыш ойлорго негизделген жана ал келечекте Европадагы тынчтыкка коркунуч жаратышы мүмкүн.
"Континент бүгүн эки айрылыш жолдо турат: эгер Россия менен тирешүүнү токтотпосо, Европа өзү өнүгүүнүн ордуна, кайра артка кетүү коркунучуна туш болот", — дейт тарыхчы.
Ошондой эле Элен д'Анкосстун пикиринеде,Россия Европанын, европалык цивилизациянын бир бөлүгүн түзөт жана ошол бойдон калышы керек. РФ Европа менен Азияны туташтырып турат жана дүйнөнүн азиялык үлгүсүн курууга катышууда Европага жардам бере алат. Ал эми акыркысы болсо, эгер өрчүп-өнүгүүнү каалабаса, өзү менен өзү кала берет деп эсептейт саясат таануучу.
