Балдар лыжа, сноуборд, матрац жана баллондор менен жылгаяк тебишти. Алар үчүн кызыктуу спорт мелдештери уюштурулуп, жеңишке жеткен командаларга кубок менен баалуу белектер тапшырылды.
Балдар үйлөрүнүн тарбиялануучулары үчүн тоо лыжа базаларынын биринде спорттун кышкы түрү боюнча кызыктуу мелдештер уюштурулду.
Иш-чаранын расмий бөлүгүн Дене тарбия жана спорт боюнча мамлекеттик агенттиктин жетекчиси Кадырбек Эргешов ачып берди.
Бул иш-чарага Военно-Антоновка, Панфилов жана Чүйдөгү балдар үйлөрүнүн тарбиялануучулары чакырылган.
Балдар тоодон лыжа, сноуборд тепкенге мүмкүнчүлүк алды.
Атайын адистер балдарга коопсуздук техникаларын да түшүндүрүп берди.
Балдар үйүнүн тарбиялануучулары абдан кубанышты.
Балдар үйлөрүнүн тарбиялануучулары арасында чакан мелдеш да болду.
Жеңүүчүлөргө кубок менен баалуу белектер тапшырылды.
Грек-рим күрөшү боюнча Олимпиаданын коло байгесинин ээси Руслан Түмөнбаев жеңүүчүлөргө жеке өзү белектерди тапшырды.
Оюнга канып, курсактарын кампайткан балдар тоо лыжа базасындагы асма жолдо да болушту.
11/11
Көңүлдүү күндөн элес калтырчу эстелик сүрөт.
