БИШКЕК, 17-янв — Sputnik. Алмазбек Атамбаев "Айкөл" чекара заставасында болгон инцидент боюнча бир катар тапшырма берди, деп билдирет КР президентинин басма сөз кызматы.
2015-жылдын 16-январында болжол менен саат 22:50дө белгисиз адамдар Лейлек районунун чек ара тобунун карамагындагы "Айкөл" чек ара засатавасына куралдуу кол салды. Куралдуу кол салуунун натыйжасында чек ара заставасынын башчысы Исмаилов курман болуп, эки чек арачы жаракат алды. Лейтенант Осмоновдун абалы оор деп бааланууда, ал эми катардагы жоокер Сагынбай уулу жеңил жаракат алган, анын абалы канааттандырарлык деп бааланууда.
Президент чек ара заставасынын башчысы, ага лейтенант Т.Исмаиловдун үй-бүлөсүнө жана туугандарына көңүл айтты жана бул инциденттин жүрүшүндө жапа чеккен чек ара заставасынын начальнигинин орун басары, лейтенант Н.Осмоновго жана катардагы жоокер Ж.Сагынбай уулуна бардык зарыл болгон медициналык жардам көрсөтүүгө буйрук берип, алардын тезирээк сакайып кетишин каалады.
Ошондой эле мамлекет башчысы Атамбаев өлкөнүн укук коргоо органдарына болгон инцидентти дыкат териштирүү жана чек ара заставасына кол салган күнөөлүүлөрдү аныктоо боюнча тапшырма берди.
Мамлекеттик чек ара кызматына чек араны ишенимдүү кайтарууну жана коргоону камсыз кылуу боюнча бардык чараларды көрүүгө тапшырма берди
