БИШКЕК, 17-янв — Sputnik. "Азырынча чекара заставасына болгон кол салуунун версиясын айта албайбыз, кол салгандарды издөө иши жүрүп жатат", — деп билдирди КРдин коопсуздук, укук коргоо жана чекара маселелери боюнча вице-премьер-министри Абдырахман Маматалиев.
Жума күнү, 2015-жылдын 16-январында, болжолу менен саат 22:50дө чекарада белгисиз бирөөлөр тарабынан Лейлек чекара отрядынын "Айкөл" чекара заставасына куралдуу кол салуу болду. Анын жыйынтыгында чекара заставасынын начальниги курман болуп, экөө октон жарат алган – лейтенант Осмоновдун абалы оор деп бааланууда, катардагы аскер кызматчысы Сагынбай уулу жеңил жарат алган, анын ден соолугу канаатандыраарлык деп бааланууда.
"Учурда өкмөттө болуп өткөн чуулу окуянын бир катар версиясы каралууда. Азыр так бир нерсе айтуу али эрте, жыйынтыктар белгилүү болоор менен коомчулукка билдиребиз", — деди Маматалиев.
Вице-премьер кол салуучулардын жүргөн жери тууралу так маалымат айткан жок, бирок аларды издөө иштерин оперативдүү топ жүргүзүп жатканын балдирди.
