БИШКЕК, 16-янв — Sputnik. Кытайдын полициясы 2014-жылдын сентябрь айынан декабрына чейин 11 тонна баңги затын алып, баңгини чыгарып жайылткандыгы үчүн күнөөлөнүүчү 60 миңден ашуун адамды кармады деп билдирет РИА Новости "Синьхуа" агенттигине таянуу менен.
"Жүздөгөн шаарларда баңги заттарга тыюу салабыз" улуттук иш-чаранын алкагында өткөн жылдын төрт ай ичинде полиция кызматкерлери баңгиге байланышкан 52 миң 800 кылмыш ишинин аягына чыкты", — деп билдирет КЭРдин Коомдук коопсуздук министрлиги.
2014-жылдын июнь айында Кытайдын жетекчиси Си Цзиньпин анын мамлекети жарандардын баңгиликке байланышкан бардык иш-аракеттерин ырайымсыз жазалап, аларды токтотууга катуу чараларды көрөт деп билдирген. Баңгилик үчүн Кытай Элдик Республикасында катуу жазаланат жана айрым учурларда өлүм жазасы колдонулат.
