БИШКЕК, 9-янв — Sputnik. Франциянын Ле-Ман шаарындагы Саблон кварталында белгисиз адамдар мечиттин короосуна төрт граната таштаган деп билдирет РИА Новости Le Main Libre басылмасына таянуу менен
Ошондой эле РИА Новости Франциянын чыгышындагы Вильфранш-сюр-Сон шаарында мечиттен алыс эмес жайгашкан чакан кебаб-ресторанында жардыруу болгонун билдирет.
"Франс Пресс" белгилегендей, жардыруу криминалдык мүнөзгө ээ.
"Бул криминал", — деп айткан маалымат булагынын сөзүн келтирет агенттик. Бирок бул маалыматты берген адам жардыруу жөнүндө башка эч божомолун билдирген эмес.
Кечээ Париждин 11-аймагында жайгашкан Charlie Hebdo редакциясынын имаратына үч кылмышкер кирип келип, ал жердеги адамдарга ок атышкан. Кол салгандар окуя болгон жерден автоунаа менен качып кетишкен. Ок атуудан 12 адам, анын ичинде журналдын төрт сүрөтчүсү, эки полиция кызматкери жана France Inter радиостанциясынын баяндамачысы каза болгон. Дагы 11 адам ар түрдүү жаракаттарды алган.
Шаршемби күнү эртең менен бир киши полиция кызматкерлерине ок атып, натыйжада тартип сакчыларынын бири оор жаракат алып, дагы бир жол кызматкери жабыр тарткан. Кол салуучу кармалды. Анын жасаганына эмне себеп болгону айтылган жок.
