БИШКЕК, 6-янв — Sputnik. Бишкекте катталган жол кырсыгынан Mercedes маркасындагы микроавтобус оодарылып калганын Sputnik сайтына окуяга күбө болгондор билдирди.
Жол кырсыгы Фрунзе көчөсү жана Эркиндин бульварынын кесилишинде болуп, микроавтобус менен Toyota Estima маркасындагы жеңил унаа кагышкан. Кырсыктын кесепетинен микроавтобус оодарылып кеткен. Алдын ала маалыматтар боюнча жабыр тарткандар жок.
ИИМдин Жол кайгуул кызматынын (ЖКК) маалымат кызматы билдиргендей, жол кырсыгына кабылган айдоочулар ЖКК кызматкерлеринин кийлигишүүсү жок эле маселесин чечип алган. Мекемеден маалымдагандай, жол кырсыгынан жапа чеккендер жок.
